येणार्‍या काळात माहिती हेच शस्त्र राहणार आहे हे सांगण्यासाठी ज्योतिषाची गरज नाही. त्यामुळे माहिती तंत्रज्ञान हा योजनाकारांपासून पंचायतीपर्यंत परवलीचा शब्द झाला आहे. काळाची पावले ओळखून यशवंतराव चव्हाण प्रतिष्ठानने पुण्याच्या सी-डॅक या संस्थेचे अभ्यासक्रम १९९९ पासून सुरू केले. प्रतिष्ठानची माहिती व तंत्रज्ञान प्रबोधिनी ही सी-डॅक, पुणे यांचे संगणक प्रशिक्षणाचे अधिकृत केंद्र आहे. विद्यार्थ्यांच्या उदंड प्रतिसादामुळे प्रतिष्ठानच्या माहिती व तंत्रज्ञान प्रबोधिनीमध्ये संगणकाशी संबंधित विविध अभ्यासक्रम राबविण्यात येत आहेत. प्रबोधिनीतून शिक्षण घेतलेल्या विद्यार्थ्यांची निवड नामवंत संस्थांमध्ये होते.  

श्री. सुशील गुप्तन, संचालक व श्रीमती. दीप्ती हेबलेकर, मुख्य विपणन अधिकारी माहिती व तंत्रज्ञान प्रबोधिनीचे काम कुशलतेने पाहतात.